Malugiuk: Immikkoortoq una 2014-mi aappaassaa saqqummiunneqarpoq.
Saqqummersitaq siulleq 23. januaari 2014-mi saqqummertoq Ukiumoortumik Paasissutissat, 1. juli 2014-mi pissarsiarineqarsinnaavoq.
Isertitat pisissutaasinnaassusaat
Innuttaasut piviusumik atuinissamut periarfissaat taaneqartarpoq pisisinnaassuseq imaluunniit isertitat pisissutaasinnaasut. Isertitat akillu qaffasiffiisa akornanni pissutsinut atalluinnarluni.
Isertitat qaffappata atuinissamut periarfissat qaffassapput, akillu qaffapata paarlattuanik atuinissamut periarfissat killeqalissapput.
Taamaalilluni isertitani siuariartorneq akit qaffakkiartornerannit annertuneruppat isertitat pisissutaasinnaasut qaffassapput, pisisinnaanerlu nukittorsimassalluni. Taamaaqataanik akit isertitaniit annertunerusumik qaffappata pisisinnaassuseq sanngiillissaaq.
Pisisinnaassutsip ineriartornera paasiuminarsarniarlugu ukiumiit ukiumut isertitanut pisissutaasinnaasunut naleqqersuummi allanngorneri naatsorsorneqartarput procentinngorlugit. Naatsorsuinerit taakku takussutissiami 5.1-mi takuneqarsinnaapput.
Takussutissiaq 5.1. Isertitat naleqassusiata nikerarnerat
|
2002 |
2003 |
2004 |
2005 |
2006 |
2007 |
2008 |
2009 |
2010 |
2011 |
2012 |
2013 |
Isertitanut naleqqersuut 1), 2005 = 100 |
94,6 |
95,3 |
98,6 |
100,0 |
104,1 |
107,8 |
112,1 |
115,0 |
116,9 |
120,1 |
123,5 |
125,9 |
Atuisunut akit naleqqer-suutaat, 2005 = 100 |
94,6 |
96,7 |
99,1 |
100,0 |
100,9 |
102,9 |
109,9 |
111,7 |
113,8 |
117,0 |
121,2 |
122,6 |
Iseritat akinut sanilliun-nerisa naleqqersuutaat, 2005 = 100 |
100,0 |
98,6 |
99,4 |
100,0 |
103,1 |
104,7 |
102,0 |
103,0 |
102,8 |
102,7 |
101,9 |
102,7 |
Ukiumut allannguut (pct.) |
|
-1,4 |
0,8 |
0,6 |
3,1 |
1,6 |
-2,6 |
0,9 |
-0,2 |
-0,1 |
-0,7 |
0,8 |
Nassuiaat: 1) Isertitanut naleqqersuut naatsorsugaavoq iseritat akileraarutaasussat agguaqatigiissillugit.
Najoqqutaq: Naatsorsueqqissaartarfik
Inuiaqatigiit eqqarsaatigalugit naatsorsuinerit suliarineqarput, innuttaasullu ataatsimut isigalugit atuinermut periarfissanik taamaalilluni takutitsilluni. Isertitat, akit atuinerillu assigiinngitsuunerisa kingunerisaannik inuit ataasiakkaat akornanni, inuussutissarsiutit, ukiut najugaqarfillu apeqqutaatillugit, annertuumik nikingasoqarsinnaasarpoq.